Buto’t Balat, Lumilipad

Buto’t Balat, Lumilipad
by: Beverly Arguelles

 

 

Sino ba siyang nasa taas kumikilos ng malaya
Damdamin ng isang musmos pilit na ginagagambala
Maliliit na mga paa tinuturaang kumaripas
Sumabay sa kanyang indak habang daa’y tinatahak.

 

 

Sino siyang nagmamataas at sa lupa’y nakaangat,
Di maabot ang bagwis nya kahit man lang sa pangarap
Walang humpay sa pagtawa animoy humahalakhak
Tunog ng pisi nya musika ang siyang katapat.

 

 

Ibat-iba ang kanyang hugis, hitsura at mga kulay
Deteminasyon sa paglipad na siyang nagbibigay buhay
Buntot na sumasayaw pakpak na kumakaway
Mukha niya’y nakangiti nang-aakit na sumabay.

 

 

Buto niya minsan payat at kalimitan ito’y patpat
Nakasalalay dito buong buhay ng kanyang buhat
Malaki man o maliit ang taglay na kanyang sukat
Kailangan mong tumingala at sundan ang kanyang yapak.

 

 

Isang hihip lang ng hangin, katawan nya’y sumasayaw
Nagbibigay inspirasyon at buhay sa twing tag-araw
Hindi siya napapagod hanggang sa paglubog ng araw
Siya kaya ay super hero o kaya  isang halimaw?

 

 

Buto’t balat lumilipad matagal ng palaisipan
Hindi naman siya airplane pero nasa kalawakan
Hindi rin siya alien pero my kapangngyarihan
Na buhay mo’y pasayahin at baguhin ang isipan.

 

 

Buto’t balat lumilipad ngayon ay kilala ko na
Ispirasyon na mangarap, abutin ang makakaya
Wag matakot na lumipad Diyos ang sayo’y magkakarga
Yan ang tanging aral at turo ng SARANGGOLA.

26 Responses to “Buto’t Balat, Lumilipad”

  1. bernardumali Says:
    July 10, 2009 at 1:18 am

    :) hanep. na add na kita.

    “Hindi siya napapagod hanggang sa paglubog ng araw
    Siya kaya ay super hero o kaya isang halimaw?”

    sana ganun din tayo :)

    Reply
  2. TSI Says:
    July 10, 2009 at 2:58 am

    galing simple at may katuturan..

    Reply
  3. livingstain Says:
    July 10, 2009 at 5:03 am

    mabuhay ka, ganda ng tula mo… pareparehas pala tayo ng kategorya.

    Reply
  4. shea Says:
    July 10, 2009 at 7:42 am

    wow astig…
    lupet naman ng tula mo,
    para akong nadyahe gumawa at magpass. hehehe

    Reply
  5. sandi Says:
    July 10, 2009 at 8:33 am

    wow..galing!

    Reply
  6. cat Says:
    July 10, 2009 at 1:23 pm

    lalim..kakarelate ako..nice one..karapatdapat kang i-clap,clap..ehehehe…

    Reply
  7. Ax Says:
    July 13, 2009 at 3:17 am

    simple pero may dating!

    Reply
  8. Bakit Mas Mahaba ang kay Kuya | Ax Realm Says:
    July 13, 2009 at 3:22 am

    [...] “Bakit ka malungkot, Kaito?” [...]

    Reply
  9. foobarph Says:
    July 17, 2009 at 12:26 am

    wah! meron kayang saranggolang mataba? hahaha!

    Reply
  10. Ax Says:
    July 22, 2009 at 9:01 am

    ang saranggola lagi nilang sinisimbulo sa pangarap.

    kung gaano kataas ang kayang ilipad ng saranggola, ganun din ang pangarap.

    pero naisip ba nila na may mga bagay na pwedeng magpabagsak sa saranggola. hangin, bagyo, ulan, tibay ng tali, tatag ng papel.

    ganun din ang pangarap. minsan di natin napapalipad ng maayos. minsan bumabagsak.

    pero naisip ko rin ba na pwede ulit gumawa ng saranggola matapos itong masira?

    Reply
    • non-sense etc.. Says:
      July 22, 2009 at 10:03 pm

      tama ka jan.. kaya kung lilipad ka cguraduhin mong abot ng iyong kakayanan at kung sakaling bumagsak magpatuloy lang lang muling lumipad.. lipad kaito..

      Reply
  11. hanz sapitan Says:
    July 23, 2009 at 6:29 pm

    para ako nakaupo sa tumbatuma na may taban ng isang tasa ng kape at tanaw ang berdeng palayan sa gitna ng hamog bandang alas-sinko ng umaga..

    galing!

    Reply
  12. Precious Says:
    July 29, 2009 at 1:04 pm

    aztig te bevs…hahaha…galeng…hnd ko man lamang nalaman na ikay may angking galing sa paggawa ng tula…woooo….

    pa spam din ha…

    pagaleng ka….

    Reply
  13. bernardumali Says:
    August 23, 2009 at 3:22 pm

    hi bev, dami mong entries ;)

    Reply

Leave a Reply